Ngono lazimishi inapokithiri hadi kuumiza mwanamke

TOKEA dakhari zamani, mwanamke anachukuliwa kuwa ni-

• Kiumbe Dhalili
• Hana Haki Ya Melki Juu Ya Mwili Wake
• Hana Haki Ya Kusema Kwa Mwanaume Anaelazimisha Ngono “Hapana. Sitaki Mahusiano ya Kimwili Na Wewe”
• Sijakupenda, Na Sitakupenda, Hivyo, Kaa Mbali Na Mimi
• Sitaki Kushikwa Shikwa Mwili Wangu Bila Ridhaa Yangu
• Acha Kunifanyia Shambulio La Aibu, Maamuzi Juu Ya Mwili Wangu, Ni Ya Kwangu Mimi
• Usinisogelee Karibu, Ukaweka Uso Wako Karibu Na Uso Wangu, Au Sehemu Ya Matiti Au Makalio Yangu
• Unaponitaka Kimwili, Siyo Lazima Nikubali
• Cheo Chako Juu Yangu Kwenye Sehemu Ya Ajira Au Sehemu Ya Elimu, Hakikupi Rukhsa, Wala Haki, Wala Ridhaa Yangu, Kwako Wewe Kulazimisha Ngono
• Kwa Sababu Tupo Kwenye Safari Ya Kikazi Na Tumefikia Hoteli Moja, Siyo Sababu Ya Wewe Kutegemea Nitakupa Takrima Ya Ngono
• Usichukulie Tabasamu Yangu Na Heshima Ninayokupa Kuwa Ni Ridhaa Ya Kukubali Ngono Pamoja Nawe
• Acha Kunichafulia Jina Kwenye Jamii, Kwa Kunitangaza Mie Ni Muumini Na Mtendaji Wa Ngono Ya Jinsia Moja, Eti Kwa Sababu Nimekukataa Wewe
• Ninapoamua Kumpa Mwanaume Penzi Langu, Na Rukhsa Juu Ya Mwili Wangu, Ni Matakwa Yangu; Utashi Wangu; Furaha Yangu; Maamuzi Yangu
• Hapana, Sikukatai Kwa Sababu Ya Ulemavu Wa Viungo Vyako, Imetokea Sikutaki, Sikutamani
• Ninapikukataa Kwenye Ngono Lazimishi, Siyo Kwa Sababu Unayo Kasoro Kwenye Urijali Wako, Basi Tu, Sikutaki, Na Sintoilazimisha Nafsi Ikukubali, Eti Usiumie Hisia
• Ninapimchagua Mwanaume Wa Kumpa Ridhaa Juu Ya Mwili Wangu, Ni Hivyo, Ridhaa, Na Matamanio Yangu
• Ukinichafulia Jina, Haimaanishi Unayotunga Juu Yangu Ni Kweli, Ni Maamuzi Yako Ya Kifedhuli, Kama Mkosaji
• Unaponifanyia Shambulio La Aibu/Sexual Assault, Kwa Vitisho; Matumizi Ya Mabavu Na/Silaha; Ile Mshutikizie Shambulio La Aibu Bila Ya Kutegemea,  Itakupa Starehe Ya Kufikiri Umenikomoa, Lakini Starehe Hiyo Haina Raha Haswa, Wala Haina Ushindi
• Ngono Lazimishi Inabaki Kuwa Hiyo- Ngono Lazimishi, Na Starehe Ya Kumwaga Shahawa, Haikuongezei Ujanadume, Inakupunguzia Urijali Tu
• Unapokaa Na Wanaume Wenzio Kuwa Umenionja, Kumbe Ni Matamanio Kwenye Akili Yako Iliyojaa Hisia Za Hasira Kwa Kukataliwa, Hakukufanyi Uwe Mshindi

Leila Sheikh

November 30, 2021