Nini Kifanyike Kutokomeza Mmomonyoko wa Maadili?

Wazazi/Walezi

▪︎ Watenge muda kila wiki kuwapa nasaha njema watoto na miongozo ya maisha ndani ya misingi ya maadili.

▪︎ Wasiwape watoto smart phone.
Badala yake, wawapatie watoto simu za vitochi, kwa ajili ya mawasiliano.

▪︎ Wawapangie watoto muda wa kuangalia luninga; muda wa mazoezi ya shule/homework; muda wa kufanya usafi wa nguo zao na mazingira yao; muda wa kufanya mazoezi ya viungo na kucheza.

▪︎ Watoe mfano mzuri kwa watoto, kwa kuacha matusi; lugha chafu; ugomvi; kusengenya watu.
Badala yake, waoneshe mfano unaofata maadili na itikadi.

▪︎ Unywaji pombe kiholela kwa wazazi, wapunguze.

▪︎ watoto wapangiwe kazi za kujitolea/community work, kama kusafisha mitaro; kuweka mazingira safi; kupanda bustani ya maua.
Hii itawajengea watoto himaya ya kuzingatia dhima.

Viongozi wa Imani

▪︎ Wakemee tabia chafu kwenye jamii, ambazo kwa sasa, zinatapakaa kwa kasi.

▪︎ Watoe maudhui yenye kujenga jamii madhubuti, zenye kuzingatia maadili.

▪︎ Waoneshe mfano kwa waumini, kwa tabia na mwenendo wao viongozi wa Imani.
Kiongozi wa Imani anaetongoza waumini, anakiuka miiko na mafundisho ya Misahafu Takatifu.

▪︎ Watumie fursa za mikusanyiko ya ibada, kuhubiri yaliyo mema.

Waalimu

▪︎ Wafundishe kwa maadili na weledi.
Mwalimu anayetongoza mwanafunzi, siyo tu anakiuka maadili, lakini pia anatenda kosa la jinai.

▪︎ Watoe ripoti polisi iwapo wanahisi au wameshuhudia mtoto kunajisiwa.

▪︎ Washirikiane na wazazi, kwenye kujenga ari ya kusoma kwa watoto.

▪︎ Wasitumie watoto kama wafanyakazi wao, kuwasafishia nyumba zao au kuwafulia.

▪︎ Watumie lugha isiyio na matusi wakiongea na wanafunzi.

Vyombo vya Habari

▪︎ Vitoe elimu jamii juu ya maudhui ya malezi ya watoto.

▪︎ Vifatilie pale ambapo jinai inatendeka, mfano wanenguaji kuvua nguo hadharani, na kufanya vitendo ambavyo vinasababisha jamii kupotoka, hasa watoto.

▪︎ Vikemee wasanii/wanenguaji wanaocheza utupu hadharani.

Serikali

▪︎ Wizara ya Habari/TCRA iongeze Kifungu kwenye Sheria ya Makosa ya Mitandao ya Kijamii, kitakachosisitiza vipindi vya luninga na YouTube, viwe na alama ya PG/Parental Guidance- MKW/Muongozo Kutoka kwa Wazazi, ili kuzuia watoto wasiangalie vipindi na filamu za X, za watu wazima.

▪︎ YouTube channel zinazoonesha wanajamii kwenye utupu, wakifanya tendo la ngono hadharani, zifungiwe.

▪︎ Wizara ya Utamaduni na BASATA itoe Muongozo juu ya vipindi ambavyo ni sahih kuangaliwa na watoto.

▪︎ Nyimbo zinazoshadidia uvutaji bangi; utumiaji mihadarati; uvunjaji wa amani; zipigwe marufuku.

▪︎ Sera ya Utamaduni tuipitie upya.
Utamaduni ni muhimu kuulinda usipotee, lakini tunayo mipaka ya kimila.
Ngoma za ndani, zisichezwe nje kwa kisingizio cha mkole.

Together We Can Make it Happen